Туркия президенти Ражаб Тоййиб Эрдўған ва БМТ бош котиби Антониу Гутерриш телефон орқали мулоқот ўтказди. Бу ҳақда Anadolu манбага асосан хабар бермоқда.
Агентлик маълумотларига кўра, томонлар Исроилнинг Ғазо секторидаги хатти-ҳаракатларига жаҳон ҳамжамияти томонидан янада қаттиқ реакция билдирилиши лозимлигини таъкидлаб ўтишган.
Қайд этилишича, улар БМТнинг Ғазо секторига ҳарбий жиноятлар бўйича экспертларни юборишга доир қарорини ижобий баҳолашди. Ушбу экспертлар минтақада фаластинликларнинг ўлимини суриштирувдан ўтказади.
Эслатиб ўтамиз, аввалроқ Ал-Қудс ишлари бўйича вазир Фаластин билан низо қандай шартда тўхташини айтганди.