Интернетда чамаси 5-7 ёшда бўлган икки индонезиялик қизча секин судралиб кетаётган катта бўғма илон устига “миниб”, у билан бирга бир неча метр юриб ўтганлари тасвирланган видео пайдо бўлди. Бу ҳақда RG Digital нашри хабар бермоқда.
Видеода илон унинг устига ўтириб олган қизчаларни гўёки сезмаган ҳолда бепарво судралишда давом этиб, қизчалардан ҳаттоки “қутулишга” ҳаракат қилмаётганини кўриш мумкин. Видеода қизчаларнинг хурсандлигини кўриб, улар бундай “кўнгилхушлик”ни биринчи марта содир этмаётганлари ҳақидаги фикрга келиш мумкин.
Фойдаланувчилар ўз изоҳларида илоннинг бундай осойишталиги сирини аниқлашга ҳаракат қилиб, суратга олиш вақтида унинг қорни тўқ бўлган, деган хулосага келишган.
