Nordwind Airlines Ўзбекистонга парвозларни июндан бошлайди

Nordwind Airlines авиакомпанияси 1 июндан «Тошкент-Қозон» рейсини очмоқда. Бу ҳақда Қозон халқаро аэропортининг веб-сайтида хабар берилди.

Мунтазам рейслар 220 ўринли Airbus A321 маҳаллий лайнерларида амалга оширилади.

Самолёт Қозондан жума кунлари кечқурун (18:05) парвоз қилади ва Тошкентга ўша куни етиб келади (23:15).

Ортга рейс келаси куни соат 01:40да, Қозонга қўниш вақти - 03:05да. Аэропортларнинг маҳаллий вақти кўрсатилган.

Чипталар аллақачон сотувга чиққан ва нархи бир томонга 10,6 минг рублдан бошланади (1,3 миллион сўм).

Эслатиб ўтамиз, аввалроқ «Уральские авиалинии» Ростов-Дондан Тошкентга парвоз қила бошлаши хабар қилинганди.