Помпео жанубий кореялик ҳамкасби билан бекор қилинган саммит ҳақида гаплашди
Жанубий Корея ташқи ишлар вазири Кан Гён Хва ва АҚШ давлат котиби Майк Помпео телефон орқали ўзаро мулоқотда Америка-Шимолий Корея саммитининг бекор қилиниши билан боғлиқ вазиятни муҳокама этди. Бу ҳақда Корея Республикаси ТИВ матбуот хизмати хабар берган.
Таъкидланишича, Помпео суҳбат давомида Вашингтоннинг бу масала бўйича позициясини билдириб, Пхеньян билан мулоқотни тиклашга тайёрликни таъкидлаб ўтган.
Ўз навбатида, Кан Гён Хва саммит бекор қилинидан афсусда эканини айтиб, у «Корея ярим оролида мустаҳкам тинчликни ўрнатишда муҳим роль ўйнаши мумкин эканини» қайд этди. Бундан ташқари, дипломат Вашингтон ва Сеулнинг ҳамкорлигини КХДР билан мулоқот учун йўл излаш мақсадида давом эттириш таклифи билан чиққан.
Эслатиб ўтамиз, аввалроқ КХДР АҚШ билан муносабатларни ҳамон яхшилаш тарафдори экани ва Америка расмийлари билан учрашувни исталган вақтда ҳамда исталган шаклда ўтказишга тайёрлигини билдирганди.
Мавзуга оид
23:13 / 27.09.2024
Шимолий кореялик ҳакерлар Германиядаги қуролсозлик компаниясига ҳужум уюштирди
14:20 / 27.09.2024
Жанубий Кореяда итларни гўшти учун боқишдан бош тортган фермерларга пул тўланади
21:57 / 26.09.2024
Samsung ходимлари радиацияга учрагани туфайли компания жаримага тортилди
11:20 / 19.09.2024