Самолёт йўловчиларининг саросимада қанот устига чиқиб олишлари видеоси эълон қилинди  

Lion Air авиакомпаниясининг Boeing 737 самолёти йўловчилари парвоз олдидан бомба ҳақидаги ҳазилдан кейин самолётдан саросимада югуриб чиқиб, унинг қанотига устига сакраётганлари видеоси эълон қилинди. Йўловчилар у ердан двигател орқали сирпаниб ерга тушганлар, бироқ улардан баъзилари қанотдан тушиш ва бортдаги тиқилинч вақтида кўплаб жароҳатлар олганлар.  

Йўловчилардан бири олдига стюардесса келиб, унинг сумкасида нима борлигини сўраганда, йўловчи қалтис ҳазил қилиб, бомба борлигини айтган. Буни унинг ёнида ўтирган эркак эшитиб, ваҳима кўтарган.

Маълум қилинишича, самолёт Индонезиянинг Понтианак шаҳридан пойтахт Жакартага учиши керак бўлган. Самолёт кўздан кечирилганда бомба топилмаган, бироқ 11 киши жароҳатлар билан шифохонага етказилган. Айбдор эса қўлга олиниб, полиция томонидан сўроқ қилинган.