ХВЖ АҚШни савдо урушидан огоҳлантирди

Фото: Depositphotos

Халқаро валюта жамғармаси (ХВЖ) вакили Жерри Райснинг маълум қилишича, узоқ давом этадиган савдо урушларида фақат мағлуб бўлганлар бўлади. Унинг сўзлари РИА «Новости» томонидан келтирилган.

«Узоқ савдо урушларида ҳамма мағлуб бўлади. Биз мамлакатларни савдо тўсиқларини камайтириш ва муаммоларга ечим топишда биргаликда конструктив ишлашга чақирамиз, бу фавқулодда чоралардан фойдаланмаслик учун керак», - деди Райс.

Унинг афсус билдиришича, халқаро савдода кескин вазият, у жаҳон иқтисодиётининг қўллаб-қувватлови бўлган бир пайтда пайдо бўлди. Райснинг қайд этишича, айни дамда жаҳон савдоси ЯИМдан кўра кўпроқ ўсиш суръатларини кўрсатмоқда, бу бутун дунё бўйлаб иқтисодиётнинг тикланишига сабаб бўляпти.

ХВЖ вакилининг хулоса қилишича, АҚШ томонидан жорий этилаётган пўлат ва алюминийга божлар савдонинг жиддий бузилишига олиб келса, унда бундан фақат G7 давлатларидаги энг камбағал одамлар зарар кўради.

Эслатиб ўтамиз, аввалроқ Франция АҚШга божлар учун ягона ва қатъий жавоб ваъда қилганди.

#АҚШ #ХВЖ #савдо