Путин Трамп билан учрашуви нега ҳалигача рўй бермаганини айтди

Фото: РИА Новости

Россия президенти Владимир Путиннинг маълум қилишича, АҚШ етакчиси Дональд Трамп билан учрашуви Қўшма Штатлардаги ички сиёсий кураш кучайиб кетгани туфайли ҳамон амалга ошмади.

«Буни Қўшма Штатлардаги ҳамкасбларимиздан сўраш керак. Менинг фикримча, бу АҚШда ички сиёсий кураш жуда кучайиб кетгани туфайли рўй берди», - дея маълум қилган Путин Австриянинг ORF телеканалига.

РИА Новости хабарига кўра, интервьюдан бир қисмни Австрия радиоси келтирган.

Аввалоқ, Россия президенти матбуот котиби Дмитрий Песков Москва Путин ва Трампнинг учрашувини ташкиллаштириш масаласида америкалик шериклар томонидан аниқлик ва ташаббус етишмаётганини кўраётгани ҳақида маълум қилганди.

АҚШнинг Москвадаги элчиси Жон Хантсманнинг ўз навбатида хабар беришича, Трамп ҳамон Путин билан учрашув ўтказиш тарафдори бўлиб турибди.

Эслатиб ўтамиз, аввалроқ Трамп ва Путиннинг учрашувига тайёргарлик кўрилаётгани хабар берилганди.

#Владимир Путин #Дональд Трамп