Динозавр скелети аукционда 2 млн еврога сотилди

Парижда бўлиб ўтган аукционда динозавр скелети 2 млн еврога сотилди. Бу ҳақда The Guardian ёзмоқда.

Нашр маълумотларига кўра, ёши тахминан 150 млн йил бўлган аллозавр скелетини франциялик коллекция йиғувчи сотиб олган, унинг исми номаълум. Бироқ, манбалар сўзларига кўра, у асосан замонавий санъат буюмларини коллекция қилиш билан шуғулланади.

Таъкидланишича, динозавр бу скелети Американинг Вайоминг штатида 2013 йилда топилган.