Велосипедчининг ҳаётига зомин бўлган ҳайдовчи қидирилмоқда - ИИВ
Жорий йилнинг 12 июнь куни Наманган вилоятининг Учқўрғон туманида кечки соат 22:15ларда, номаълум шахс ўз автомашинасини «Учқўрғон-Хақулобод» йўлида бошқариб кетаётиб Учқўрғон тумани “Муғол” МФЙда яшовчи А.Э.ни ўз велосипедида кетаётган вақтда уриб юборган ва жабрланувчига ёрдам бермай воқеа жойидан қочиб кетган.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, юз берган бахтсиз ҳодиса натижасида навқирон ёшга етган А.Э. воқеа жойида вафот этган.
Афсуски, бир кишининг ҳаётига зомин бўлган ушбу ҳайдовчи, инсонпарварлик тамойилига риоя қилиб, А.Э.га ўз вақтида ёрдам кўрсатганида балки унинг ҳаёти сақлаб қолинган, ота-она фарзандсиз, бир аёл бева, 3 ёшли қизалоқ эса отасиз қолмаган бўларди...
«Ҳурматли фуқаролар, сизлардан шуни сўраб қолардикки, ҳайдовчи қилмаган инсонпарварликка сиз қўл уринг. Орангизда кимдир ана шу ҳолатга гувоҳ бўлган бўлса ёки ҳайдовчи ҳақида қандайдир маълумотга эга бўлса, ички ишлар ходимларига ёки “102” телефон рақамига қўнғироқ қилиб, билган маълумотларингиз ҳақида хабар беришингизни сўраймиз. Унутманг, бу билан сиз юртимизда яна юз бериши мумкин бўлган шу каби ҳолатларнинг олди олинишига ўз ҳиссангизни қўшган бўласиз», - дейилади ИИВ хабарида.
Мавзуга оид
11:46
Ёлланма қотиллар, сирли буюртмачи ва чалғитилган тергов – Намангандаги мудҳиш қотиллик тафсилоти
09:49 / 04.10.2024
Наманганда юзлаб автомобиллар давлат рўйхатидан ноқонуний ўтказилгани айтилмоқда. Иш республика даражасида терговда
14:54 / 26.09.2024
Наманганда аввал ҳам фирибгарлик учун судланган шахс яна шундай жиноятга қўл урди
20:05 / 12.09.2024