Дунёдаги энг йирик телекоммуникация компанияси 85 млрд долларлик харидни амалга оширди

Жаҳондаги энг йирик телекоммуникация компанияси AT&T Time Warner медиакорпорациясини 85 млрд долларга сотиб олиш бўйича келишув якунига етказилгани ҳақида маълум қилди. Бу ҳақда CNN компания баёнотига асосан хабар бермоқда.

AT&T бош директори Рандалл Стивенсоннинг ваъда беришича, компания «медиа ва кўнгилочар соҳа ишига доир янги ёндашувни» танлайди.

АҚШ федерал суди икки кун аввал AT&T Time Warner’ни харид қилиши мумкин экани ҳақида қарор чиқарди. Округ судьяси Ричард Леоннинг ўз қарорида маълум қилишича, АҚШ Адлия вазирлиги икки медиагигантнинг бирлашиши Америка монополияга қарши қонунчилигига зид эканини исботлай олмаган.