АҚШ давлат котиби Майк Помпеонинг маълум қилишича, БМТнинг Инсон ҳуқуқлари бўйича кенгаши фаолияти сўнгги вақтларда «шармандали иккиюзламачилик» мисолига айланиб қолди. Давлат котибининг баёноти твиттерда эълон қилинган.
«БМТнинг Инсон ҳуқуқлари бўйича кенгаши шармандали иккиюзламачилик ва тамагирлик мисолига айланиб бўлди», - деган Помпео АҚШнинг Кенгашдан чиқишига изоҳ бериб.
Унинг сўзларига кўра, Кенгашда инсон ҳуқуқлари билан боғлиқ кўплаб вазиятларга эътибор қаратилмайди, ҳуқуқларнинг бузилиши учун жавобгар бўлганлардан кўпчилиги эса ташкилотда ўз ўрнини сақлаб қолмоқда ҳамда «ўзининг художўй ва мағрур» позициясини кўрсатмоқда.
Помпеонинг таъкидлашича, бундай ҳолат Инсон ҳуқуқлари бўйича кенгаш АҚШ давлат манфаатларига зарар етказаётганидан далолат беради.
«Кимдир қачондир бизнинг миллий суверенитетимизга зарар етказса, биз жим ўтирмаймиз», - дея хулоса қилган Помпео.
Эслатиб ўтамиз, аввалроқ БМТнинг инсон ҳуқуқлари бўйича олий комиссари Зайд Раад ал-Ҳусайн АҚШ қарори «одамнинг кўнглини қолдиргани» ҳақида маълум қилганди.
