Саудия Арабистонининг нефть бўйича режалари ҳақида маълумот берилди

Саудия Арабистонининг тахминича, нефть қазиб олишни қисқартириш бўйича келишув (ОПЕК+) давлатлари қазиб олиш ҳажмини кунига 600-800 минг баррелга оширади. Бу ҳақда Financial Times газетаси ОПЕКдаги манбага асосан хабар бермоқда.

Нашр маълумотларига кўра, Саудия Арабистони нефть қазиб олишнинг эҳтимолий бундай ҳажми ОПЕК+ мамлакатлари ўртасида пропорционал равишда тақсимланишини хоҳлайди. Бу давлатлар ишлаб чиқаришни ошириш қувватига эга бўлиши лозим. Таъкидланишича, Ар-Риёднинг таклифи ҳозирги пайтда охиригача расмийлаштирилмаган. Манбанинг хабар беришича, у Саудия Арабистони вакилларининг Россия ва ОПЕК аъзоси бўлган мамлакатлар амалдорлари билан учрашувида муҳокама қилинади.

Эслатиб ўтамиз, аввалроқ Саудия Арабистони ва Россия ОПЕК+’да ҳамкорликни кучайтираётгани хабар берилганди.