Афина яқинидаги ўрмон ёнғинлари 20 кишининг ҳаётига зомин бўлди

Фото: AFP

Греция пойтахти Афина яқинидаги ўрмон ёнғинлари оқибатида камида 20 киши ҳалок бўлди.

100 дан кўпроқ одам жабрланган, улардан 69 нафари шифохонага етказилган.

Ҳанузгача ёнғиндан қочиб денгизга қайиқда чиққан хорижий сайёҳлар тақдири номаълумлигича қолмоқда. Уларни соҳилбўйи қўриқлаш хизмати қидирмоқда. Қутқарув-қидирув ишлари ёнғин ҳудудида қуюқ тутун кўтарилгани сабабли мураккаблашган.

Яқин орадаги ҳудудларда фавқулодда вазият тартиби киритилган. Таъкидланишича, қарағайзорлар ёнмоқда, аланга кучли шамол сабабли тез тарқамоқда.

Афина ёнғинларни ўчиришда Европа Иттифоқига мурожаат қилмоқчи.