Японияда экстремистик сектанинг яна икки нафар аъзоси қатл қилинди

Фото: AFP

Японияда Аум Синрикё экстремистик сектасининг яна икки нафар аъзоси қатл этилди, деб хабар беради NHK телеканали.

Маълум қилинишича, 1995 йилдаги Токио метросида зарин газ ҳужумини амалга оширишда айбланган секта аъзолари пайшанба куни қатл этилди. Эндиликда сектанинг тўрт нафар аъзоси олий жазонинг амалга оширилишини кутмоқда.

Бундан аввал, 6 июль куни секта раҳбари, Шоко Асаҳара номи билан машҳур Чизуо Матсумото ҳам қатл этилганди.

Асаҳара муридлари ёрдамида 1995, 1980, 1990 йилларда кўплаб шафқатсиз ҳужумларни уюштирган.