Фото: Челси
«Челси» «Реал»дан Матео Ковачични ўз сафига қўшиб олгани ҳақида расман эълон қилди.
24 ёшли хавбек Лондон клубига бир йил муддатга ижарага ўтган.
«Кўклар» клуби расмий сайтидаги хабарда футболчининг кейинроқ сотиб олиниши ҳақида айтилмаган.
Хорватиялик футболчининг ижараси «Челси» дарвозабони Тибо Куртуанинг «Реал»га трансфери доирасида амалга ошди.
«Реал» Ковачични «Интер»дан 2015 йилда сотиб олганди, аммо хорватиялик футболчи жамоанинг асосий таркибига кира олмади. Аммо у жамоа билан ўтган вақт ичида 9 совринни қўлга киритди, жумладан, уч марта қаторасига ЕЧЛ ғолиби бўлди ва бир марта Испания чемпионатида ғолиб чиқди.
