Қўшимча функционаллар
-
Тунги кўриниш
Ўзбекистоннинг янги элчиси Римга жўнаб кетди
Фото: UzReport
2018 йилнинг 30 август куни Ўзбекистон Республикасининг Италия Республикасидаги фавқулодда ва мухтор элчиси этиб тайинланган Отабек Акбаров Тошкент шаҳридан Рим шаҳрига жўнаб кетди.
ТИВ ахборот хизмати хабарига кўра, О.Акбаров илгари ТИВнинг Жанубий Осиё, Яқин, Ўрта Шарқ ва Африка мамлакатлари билан ҳамкорлик бошқармаси бошлиғи лавозимида ишлаган.
Эслатиб ўтамиз, Ўзбекистон-Италия муносабатларининг асослари Ўзбекистон Республикаси биринчи президенти Ислом Каримовнинг 1996 йил июнь ойида ва 2000 йил ноябрь ойида Италияга расмий ташрифлари чоғида ўрнатилган.
1997 йил май ойида Италия президенти О.Скальфаро ҳам Ўзбекистонга ташриф буюрган.
2012 йил июнь ойида Ўзбекистон Республикаси Олий Мажлиси Қонунчилик палатаси ва Италия парламенти Депутатлар палатаси ўртасида ҳамкорлик меморандуми имзоланди. 2009 йилдан буён Тошкентда Турин политехника университети фаолият кўрсатмоқда. 2013 йил январь ойида Самарқанд ҳокимлиги ва Флоренция провинцияси ўртасида дўстлик ва ҳамкорлик тўғрисидаги битим имзоланди.
Мавзуга оид
21:14 / 22.11.2024
Италияда экофаоллар норозилик рамзи сифатида ИИВ биноси қаршисига гўнг тўкди
16:48 / 17.11.2024
Италиялик тадбиркор ўғирлаб кетилишини уюштирган ўзбекистонлик қўлга олинди
22:08 / 15.11.2024
Алп тоғларида туристлар 280 млн йиллик қадимий ҳайвонлар изларига дуч келди
18:29 / 12.11.2024