Президентнинг шу йил 9-10 март кунлари Тожикистон Республикасига амалга оширган давлат ташрифи доирасида имзоланган Ўзбекистон ва Тожикистон ҳукуматлари ўртасида ҳудудлараро Битимга асосан 7-9 сентябрь кунлари самарқандлик бир гуруҳ давлат ва жамоат вакиллари, тадбиркорлар, спортчилар, ижодкорлар ҳамда маданият ва санъат ходимлари Тожикистоннинг Сўғд вилоятида бўлишади.
Zarnews’нинг хабар беришича, тадбир давомида Сўғд вилояти марказида вилоятимизнинг саноат, экспорт, туризм салоҳиятини акс эттирувчи кўргазмалар, бизнес-форум ва санъат усталари иштирокида концерт дастури ташкил этилади.
Шунингдек, тадбир давомида вилоятнинг «Динамо» ҳамда Сўғд вилоятининг «Хўжанд» футбол жамоалари ўртасида ўртоқлик учрашуви бўлиб ўтади.
