БМТ АҚШнинг доимий вакили Никки Хейлининг КХДР раҳбарининг акаси Ким Чен Нам ўлими ҳақида айтган гаплари ташкилот расмий таржимони томонидан нотўғри таржима қилингани учун узр сўради.
"Бу ҳеч шубҳасиз таржимадаги хатолик бўлганлигини тасдиқлайман, - деди бош котибнинг вакили Стеффан Дюжаррик ТАСС билан суҳбатда. – Биз бу инсоний хато учун узр сўраймиз. Таржимонлар тиғиз ишлашади ва айниқса уларда чиқишларнинг матни бўлмаганида иш янада мураккаблашади".
Таржимоннинг сўзларига кўра, АҚШ Шимолий Корея раҳбари Ким Чен Иннинг акаси ўлимига Россия алоқадор деб айблаганди.
БМТ хавфсизлик кенгаши йиғилишидаги чиқишида АҚШнинг БМТдаги доимий вакили Никки Хейли "Шимолий Корея Ким Чен Намни асабни фалаж қилувчи VX моддаси ёрдамида ўлдирганида АҚШ Шимолий Кореяга кимёвий ва биологик қуроллар етказиб берилиши устидан БМТ назорати кучайтирилишини сўраган"лигини айтган. "Россия хавфсизлик кенгашида фикримизга қўшилди, аммо кейин қўмитада Шимолий Кореяда оммавий қирғин қуроли яратилишининг олдини олувчи 12 йиллик санкциялар рўйхатига қўшимчалар киритилишини блоклади", -деган у.
Таржимон эса Хейлининг сўзларини "КХДР Ким Чен Намга нисбатан қотилликни биологик моддани Шимолий Кореяга берган Россия ёрдамида амалга оширган", деб таржима қилган.
Ким Чен Нам 2017 йил 13 февралда Куала-Лумпур аэропортида ўлдирилган. Унинг терисида халқаро конвенция билан тақиқланган VX заҳарли моддаси излари аниқланган.
