«Флоренс» пўртанаси қурбонлари сони 32 кишига етди

Фото: Gerry Broome/AP

14 сентябрь, жума куни АҚШнинг шарқий қирғоғига ёпирилган «Флоренс» тропик пўртанаси қурбонлари сони 32 кишига етди. Бу ҳақда CBS News хабар берган.

Аввалроқ, 24 киши ҳалок бўлгани маълум қилинганди. Бундан ташқари, Шимолий ва Жанубий Каролинадаги ярим миллиондан ортиқ уй ҳамон электр энергиясиз қолмоқда.

Ҳозирги вақтда Шимолий ва Жанубий Каролинанинг 27 мингдан ортиқ аҳолиси вақтинчалик бошпаналарга жойлаштирилган.

«Флоренс» аста-секин ўз кучини йўқотмоқда, аммо ҳозирги кунда энг катта муаммолар ёмғирдир. Мисол учун, Морхед ва Ньюпортда 60,3 см ёмғир ёғган бўлса, Шимолий Каролина штатидаги рекорд - 61,1 см.