Пентагон томонидан тақдим этилувчи киберхавфсизлик бўйича янги стратегияда Россия ва Хитой Қўшма Штатлар учун асосий таҳдидлар дейилган. Бу ҳақда Fox News хабар бермоқда.
Ҳужжатга кўра, Россия томони АҚШга қарши «кибермаконда ахборот амалиётларида» иштирок этган, Хитой эса мамлакат ҳукумати ва хусусий компаниялардан муҳим маълумотни ўмариш билан шуғулланган.
Таъкидланишича, Москва ҳамда Пекин Вашингтоннинг рақиблари бўлиб, улардан «салбий кўринишдаги киберфаоллик» тарқалмоқда. Пентагон ўзини шундай таҳдидлардан хавфсиз қилиш учун мудофаа ҳаракатларини қўллашни режалаштирмоқда. Шунингдек, Эрон ва КХДР ҳам «Америка манфаатларига таҳдидлар» рўйхатида бор.
Эслатиб ўтамиз, аввалроқ Трамп Россиянинг хатти-ҳаракатларини тажовузкор деб атаганди.
