ИИВ вагонлар ағдарилиб кетишига оид янги маълумотни эълон қилди

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси Тошкент шаҳрининг Яшнобод туманида 21 сентябрь куни вагонлар ағдарилиб кетишига оид янги маълумотни эълон қилди

Қайд этилишича, Фарғона йўли кўчасидан ўтган “Ҳамза” темир йўл бекатининг қўшимча йўлида турган тепловози бўлмаган 5 дона юк вагонлари қаровсиз қолдирилиши ҳамда вагон ғилдираклари остига қўйилган ғилдиракларни ушлаб турувчи мослама тўлиқ қотирилмаганлиги сабабли, иккита бўш юк вагонлари юриб кетиб, темир йўл изидан чиқиб кетиши натижасида Фарғона йўли 7-тор кўчасидаги уйнинг деворига бориб урилган.

Жароҳат олган фуқаролар йўқ. Суриштирув ишлари олиб борилмоқда.

Эслатиб ўтамиз, аввалроқ Тошкентда юк поездининг иккита вагони ағдарилиб кетгани хабар қилинганди.

Шундан сўнг «Ўзбекистон темир йўллари» вагонлар нима сабабдан ағдарилиб кетганини маълум қилди.