Тошкент вилоятининг Қуйи Чирчиқ туманида шу йил 23 май куни номаълум шахс “Қурбон-Носир” МЧЖга қарашли аккумуляторларни таъмирлаш устахонасидан умумий қиймати 27 млн. 800 минг сўм бўлган 7000 дона аккумулятор пластиналари ва 3400 дона аккумулятор сеткаларини ўғирлаб кетган.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, ҳолат юзасидан жиноят иши қўзғатилиб, кўрилган чоралар натижасида ушбу жиноятни Қашқадарё вилояти Миришкор туманида яшовчи Р.Р. содир этганлиги аниқланиб ушланган.
Тергов давом этмоқда.
