«Ўзтрансгаз» раиси газ нархининг ошиши тўғрисида ўз фикрини билдирди

Бугун Халқаро Пресс-клубнинг навбатдаги анжуманида «Ўзтрансгаз» акциядорлик жамияти бошқаруви раиси Шарифжон Турсунов иштирок этди, деб хабар берди ЎзА. 

3 октябрь куни Халқаро Пресс-клубда «Энергетика ресурслари: ислоҳотлар даврида тежамкорлик ва истеъмол маданиятидаги муаммоларнинг таҳлили» мавзусида анжуман бўлиб ўтди.

Тадбирда «Ўзтрансгаз» акциядорлик жамияти бошқаруви раиси Шарифжон Турсунов иштирок этди. У газ нархларининг ошиши аниқ эмаслигини маълум қилди.

«Газ нархларининг ошиши аниқ эмас. Нархлар ошишини тасдиқлай олмайман. Қолаверса, газ нархларининг кўтарилиши ёки ўзгаришини «Ўзтрансгаз» ҳал қилмайди. Бу бизнинг ваколатимизга кирмайдиган масала», - дея айтиб ўтган Шарифжон Турсунов.

Эслатиб ўтамиз, бугунги кунда ижтимоий тармоқларда ва турли Telegram каналларида электр энергияси, газ, сув ва ёқилғи нархларининг ошиши ҳақида маълумотлар тарқалмоқда.