АҚШнинг Атланта шаҳри полициясига IKEA дўконидан чиқолмаётган одамлардан ўнлаб қўнғироқлар тушиб, улар шу сабабли ваҳимага тушиб қолишганини маълум қилишган. Полиция шу заҳотиёқ воқеа жойига чиққан, кўп ўтмай уларга ўт ўчирувчилар қўшилган.
Полициячилар дўконга келишганларида кассалардан бири олдида йиғилиб олиб, бамайлихотир компьютер ўйини билан банд бўлган сотувчиларни кўришган. Сотувчилар атрофда харидорлар бўлмагани сабабли дўконда ҳаммаси рисоладагидек деб ўйлашган. Бу орада павильонлар орасида ҳақиқий саросима юз бераётган бўлган.
Бир тўда харидорлар дўкондан чиқишни излаб, у залдан бу залга ўтиб, бир жойга қайта-қайта бориб қолиб мушкул ҳолатга тушиб қолишган. Тез орада дўкон ичида йўналишни кўрсатувчи стрелкалар нотўғри йўналишни кўрсатаётгани аниқланган. Дўкондаги видеоёзувлар ўрганилгач, бу кимнингдир қўпол ҳазили бўлгани аниқланган. Полиция стрелкаларни ўзгартириб қўйган эркакни қидирувга берган.
