Индонезияда ҳалокатга учраган Boeing’нинг эҳтимолий парчалари топилди

Индонезияда мамлакат қирғоқлари яқинида ҳалокатга учраган Boeing 737 MAX самолётининг эҳтимолий парчалари топилди. Бу ҳақда The Jakarta Post ёзмоқда.

Таъкидланишича, мамлакат ҳарбий-денгиз кучлари сув остидан узунлиги тахминан 20 метр бўлган объектни топишган. У Жакартадан шимоли-шарқда, 32 метрлик чуқурликда жойлашган.

Эслатиб ўтамиз, аввалроқ Индонезияда ҳалокатга учраган Boeing’нинг фюзеляжи топилганди.

Индонезия қуролли кучлари раҳбарининг маълум қилишича, Индонезия қирғоқлари яқинида ҳалокатга учраган самолётнинг фюзеляжи топилган.

Lion Air авиакомпаниясининг Boeing 737 йўловчи самолёти Жакарта аэропортидан парвоз қилгач ҳалокатга учради. Самолёт парвозга чиққанидан кейин тахминан ўн дақиқа ўтиб радарлардан йўқолиб қолган. Индонезияда ҳалокатга учраган самолёт бортида 189 киши бўлган.