Саудия Арабистони коалиция самолётларини заправка қилишда АҚШ ёрдамидан воз кечди

Фото: Hassan Ammar/AP

Саудия Арабистони подшоҳлиги ўзи етакчилигидаги коалиция самолётларини ҳавода заправка қилишда Америка ҳарбийлари ёрдамидан воз кечди. Бу ҳақда Саудия Матбуот агентлиги хабар қилди.

«Саудия Арабистони подшоҳлиги ва коалицияга кирувчи мамлакатларнинг ўз ҳарбий салоҳиятини мустаҳкамлаш бўйича саъй-ҳаракатлари билан ҳавода мустақил заправка қилиш имкони пайдо бўлди», - дейилади хабарда. - «Шу сабабдан ҳамда АҚШ билан маслаҳатлашувлардан сўнг, коалиция Америка томонини Яманда ҳарбий самолётларни заправка қилишда ўз махсус самолётларини тақдим этмасликни сўрайди».

Ўз навбатида, Reuters маълумотларига кўра, АҚШ расмийлари бу илтимосни қаноатлантирган.