Билл Гейтс ярим миллиард доллар эвазига АҚШ ҳарбийларини кенгайтирилган реалликда шуғуллантиради

Билл Гейтснинг Microsoft корпорацияси 479,2 млн доллар қийматдаги шартномани ютиб олди. Унга кўра, у АҚШ қуролли кучларига ҳарбийларни шуғуллантириш учун кенгайтирилган реаллик тизимларининг прототипларини етказиб беришга мажбур бўлди. Бу ҳақда Reuters хабар қилмоқда.

Пентагондан айтишларича, корпорация Америка армиясига 100 минг голографик гарнитура етказиб беради, улар душман ҳудудидаги мураккаб махсус амалиётлар вақтида бажариладиган ҳаракатларни батафсил синовдан ўтказиб олиш имконини беради.

Бундан ташқари, кенгайтирилган реаллик тизимлари пилотсиз жанговар машиналар операторлари ҳамда махсус топшириқлик қўшинларни тайёрлашда қўлланилади.

Эслатиб ўтамиз, аввалроқ Пентагон янада самарали лазер қуролига эга бўлмоқчи экани хабар қилинганди.