Қўшимча функционаллар
-
Тунги кўриниш
Жамият | 09:22 / 08.12.2018
25083
1 дақиқада ўқилади
Тошкентда ҳаво шари портлаши оқибатида тўрт нафар қизнинг юзи ва қўллари куйди
Фото: 4USkY
Жорий йилнинг ноябрь ойида Учтепа туманида кўнгилсиз ҳодиса юз берди, деб хабар қилмоқда пойтахт ИИББ.
Қайд этилишича, «Чироқчи» кафесида туғилган кун нишонлаш жараёнида ёниб турган шамли торт олдида табиий газ билан тўлдирилган шар портлаган.
Натижада тўрт нафар қизларнинг юз ва қўлларида турли даражадаги куйиш излари қолган. Тиббий ёрдам учун улар РШТЁИМга юборилган.
«Ҳурматли фуқаролар! Ҳаво шарлари харид қилишда эҳтиёт бўлинг. Фақатгина гелий билан тўлдирилган шарларни сотиб олинг. Байрам тадбирларида бу каби шарлардан фойдалана туриб уларни ёнғинга сабаб бўлишлари мумкинлигини унутманг», - дейилади ИИББ хабарида.
