Украинада россиялик жосус фош этилди

Украина аксилразведка хизмати «Суқрот» тахаллуси остидаги ГРУ агентини фош этди. Бу ҳақда РИА «Новости» хабар бермоқда.

Агентлик маълумотларига кўра, қўлга олинган жосус Украина ҳарбий-ҳаво кучлари полковниги унвонига эга бўлган.

Қайд этилишича, собиқ полковник уч йил давомида россиялик ҳарбийларга махфий маълумотларни етказиб турган.

Эслатиб ўтамиз, аввалроқ президент Пётр Порошенко Украина Россияга қарши чиқишга тайёрлигини билдирганди.