Профессионал боксчимиз Шоҳжаҳон Эргашев Россиянинг Краснодар шаҳрида навбатдаги жангини ўтказди.
Миллий олимпия қўмитаси хабарига кўра, мазкур баҳсда ҳамюртимизга аргентиналик Назарено Гастон Руиз рақиблик қилди.
Жанг муддатидан олдин якунланди. Баҳсни кетма-кет зарбалар билан бошлаган боксчимиз 18-сониядаёқ рақибини нокаут ҳолатига туширди.
Маълумот учун, бу Шоҳжаҳон учун профессионал рингдаги 16-жанг бўлди. Эргашев уларнинг барчасида ғалаба қозонган. Баҳсларнинг 15 тасида у рақибларини муддатидан олдин мағлуб этган.
Руизнинг ўтказган жанглари сони 50 тага етди. Аргентиналик боксчи уларнинг 32 тасига ғалаба қозонган (11 та нокаут). 18 маротаба имкониятни бой берган (3 та нокаут).
#Russia Card with Prospect Shohjahon Ergashev 15-0 who destroyed Nazareno Gaston Ruiz Friday:https://t.co/ytp3gNC6XH#Boxing #boxeo #Boxe #TTR #video #The13thRound #Fury #Wilder #Joshua #Canelo #Alvarez #Fielding #Parker pic.twitter.com/YEkK91dQYl
— the13thround.com (@the13thround) December 14, 2018
Эслатиб ўтамиз, ноябрь ойи бошларида Шоҳжаҳон Эргашев Чикагода америкалик Зака Рэмсини илк раунддаёқ нокаутга учратганди.