Британия ОАВ Россия ва Украина ўртасидаги «учинчи жаҳон уруши» ҳақида ёзди

Фото: Фото: Павел Ребров / Reuters

Британиянинг The Daily Express нашрида «Учинчи жаҳон уруши: Россия Азовга ракета кемасини жўнатмоқда, у можарога тайёр» сарлавҳали материал пайдо бўлди.

Материалда қайд этилишича, Россия фрегати (соқчи ҳарбий кема) «Москва ва Украина ўртасидаги учинчи жаҳон уруши» фонида Азов денгизи томон ҳаракат қилмоқда. Шунингдек, минтақадаги мамлакатлар ўртасидаги инқироз очиқ қарама-қаршиликка айланиб кетиши мумкинлиги ҳам истисно этилмаган.

Бундан ташқари, Россия Ташқи ишлар вазирлиги расмий вакили Мария Захарованинг сўзлари келтирилади. Унинг таъкидлашича, кўрсатилган ҳудудда қайд этилган Россия кучлари хавфсизликни таъминлаш, шунингдек, Қрим кўпригини ҳимоя қилиш учун зарурдир.

Эслатиб ўтамиз, аввалроқ Россия Ташқи ишлар вазири Сергей Лавров Украина билан уруш эҳтимоли ҳақида ўз фикрини билдирганди.

#Россия #Украина