Rossiya Tashqi ishlar vaziri Sergey Lavrov Ukraina bilan urush ro‘y bermasligi haqida ma'lum qildi. Bu haqda u «Komsomolskaya pravda» radiosiga bergan intervyusida aytib o‘tdi.
«Biz Ukraina bilan urushga kirishmaymiz, men sizlarga buni va'da beraman», - dedi u. Uning so‘zlariga ko‘ra, Moskva Ukrainani neytral davlat sifatida saqlab qolishni istaydi va Moskva «Ukrainada yashovchi barcha aholi qulay sharoitda» bo‘lishini ta'minlashga qarzdordir. Shuningdek, vazirning ta'kidlashicha, o‘zini mustaqil deb e'lon qilgan Donetsk va hamda Lugansk mustaqilligi tan olinishi «asabiylik va zaiflikning namoyon bo‘lishi»ga aylanadi.
13 dekabr kuni Rossiya TIV vakili Mariya Zaxarova Ukraina Mariupol yaqinida harbiy hujumga tayyorgarlik ko‘rayotgani va Donbassdagi aloqa chizig‘ida fitna uyushtirmoqchi ekanini aytgandi. Uning so‘zlariga ko‘ra, Ukraina hukumati Mariupol yo‘nalishi bo‘yicha tezkor hujum qilish uchun Donetsk va Lugansk oblastlarida joriy qilingan harbiy holat rejimidan foydalanib qolmoqchi.
Eslatib o‘tamiz, avvalroq Kreml Poroshenkoning urush haqidagi so‘zlariga munosabat bildirgandi.
Avvalroq Ukraina yetakchisi Kerch bo‘g‘ozidagi hodisani urush, deb atagandi. Rossiya prezidenti matbuot kotibi Dmitriy Peskovning bildirishicha, bunday pozitsiyaga qo‘shilmaydi.
«Biz bunday pozitsiyaga qo‘shilmaymiz, gap Ukraina tomonining provokatsiyasi hamda Rossiya davlat chegarasini qo‘pol tarzda buzilishi haqida ketmoqda», - deya ma'lum qildi u.
Peskovning fikricha, Ukraina vaziyatdan o‘z maqsadlari uchun foydalanmoqchi.
«Biz Ukrainada saylov kampaniyasi davom ettirilayotganini ko‘rmoqdamiz hamda dushman obrazi - Rossiya - ichki siyosiy maqsadlarga erishish uchun qo‘llanilmoqda», - deya aniqlik kiritdi Kreml vakili.
