Божхоначилар Toyota Land Cruiser’га яширилган патронларни фош этишди

Тошкент вилояти божхона бошқармаси “Ғишткўприк” чегара божхона пости ходимлари томонидан мамлакатга ов қуроли патронларини яширинча олиб киришга бўлган уринишга чек қўйилди.

Toyota Land Cruiser автомашинасида қўшни давлатдан юртимизга кириб келган фуқаро Ш.Б. тегишли тартибда божхона назоратидан ўтказилди.

Натижада, ушбу шахс ўз автомашинасида божхона назоратидан яширинча 9 дона ов-қурол патронларини Ўзбекистонга ноқонуний олиб киришга уринганлиги аниқланди. 

Ҳозирда мазкур ҳолат юзасидан текширув ишлари олиб борилмоқда.