Ла-Манш бўғозида Piper PA-46 Malibu самолёти ҳалокатга учраган жойда топилган жасад “Кардифф Сити”нинг янги ўйинчиси Эмилиано Салага тегишли экани аниқланди. Бу ҳақда Британиянинг Дорсет графлиги полиция бошқармаси маълум қилди.
“Бугун 7 февралда Портлендга етказилган жасад Дорсет коронери томонидан профессионал футболчи Эмилиано Саланики эканлиги қайд қилинди”, дейилган хабарда.
Жасад аниқлангани 4 февралда маълум қилинганди.
Бортида футболчи бўлган самолёт Франциядан Буюк Британияга 22 январга ўтар кечаси учган. Парвоз вақтида футболчи самолётнинг ҳолатидан ташвиш билдириб, дўстларига аудиохабарлар жўнатган. У хабарида фалокатга учраши мумкинлигидан хавотир билдирган. Самолётни учувчи Дэвид Айбботсон бошқарган. Кейинроқ эса учувчининг йўловчиларни ташиш учун лицензияси бўлмагани аниқланган.
