Тошкентда газ тўлдирилган шарлар ёрилиб кетиши натижасида уч киши куйиш жароҳатини олди

2019 йил 15 февраль куни Тошкент шаҳрининг Учтепа туманида яшовчи К.М. ўзининг “Captiva” русумли автомашинасида Яшнобод тумани “Шаҳриобод-Махтумқули” кўчалари чорраҳасида тўхтаб турган.

Шу вақтда автомашинада йўловчи сифатида кетаётган, ҳайдовчининг таниши И.П. сигарета чекиш мақсадида зажигалка ёққан вақтида автомашина салонида бўлган, ичига газ тўлдирилган 40 дона шарлар ёрилиб кетган, дея хабар беради Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Натижада К.М., И.П. ва автомашинадаги яна бир йўловчи Ф.Ю. куйиш жароҳатлари билан касалхонага ётқизилган. Суриштирув ишлари олиб борилмоқда.