«Иккиюзламачилик, бемаънилик ва адолатсизлик». Хитой АҚШни айблаб чиқди

ХХР АҚШни Хитойнинг технологик ривожланишини тўхтатиб қўйишга уринишда айблади. Бу ҳақда The Associated Press хабар қилмоқда.

Таъкидланишича, Хитой ТИВ вакили Гэн Шуан Хитойнинг Huawei компанияси билан боғлиқ вазият фонида шундай баёнот билан чиққан.

«Улар (АҚШ) Хитойдаги ишлаб чиқаришнинг табиий ривожланишини босиб қўйиш учун баҳона топишга ҳаракат қилмоқда», - деди Шуан.

У Америка томонининг бундай хатти-ҳаракатларини «иккиюзламачилик, бемаънилик ва адолатсизлик», деб атаган. 

Эслатиб ўтамиз, аввалроқ Bloomberg Россия ва Хитойнинг яқинлашувига «рақибларнинг сохта иттифоқи», дея таъриф берганди.