Жаҳон | 07:40 / 05.03.2019
7245
1 дақиқада ўқилади

АҚШ Россияга қарши санкцияларни яна бир йилга узайтирди

Фото: Ivan Sekretarev / AP

АҚШ президенти Дональд Трамп 2014 йил Украинадаги вазият сабабли Россияга қарши киритилган санкцияларнинг амал қилиш муддатини яна бир йилга узайтирди. Тегишли фармон Оқ уй сайтида эълон қилинган.

Фармонда санкциялар АҚШ миллий хавфсизлиги манфаатлари ва ташқи сиёсатига фавқулодда хавфлар мавжудлиги сабабли узайтирилаётгани таъкидлаб ўтилган. 

Қарорда Украинадаги демократик жараёнлар ва институтларга путур етказаётган шахсларга нисбатан санкциялар ҳақида гапирилган. Жумладан, санкциялар россиялик сиёсатчиларни, Украинанинг собиқ президенти Виктор Януковичнинг атрофидагиларни қамраб олади. Шунингдек, санкциялар Россия корхоналари ва ўз мустақиллигини эълон қилган ДХР ва ЛХРга қарши амал қилади.

Мавзуга оид