Венесуэлада электр билан боғлиқ муаммолар сабабли жума дам олиш куни деб эълон қилинди

Фото: EPA/UPG

Венесуэла ҳукумати аксарият штатларда электр таъминотида узилишлар бўлиши сабабли 8 март жума кунини дам олиш куни деб эълон қилди. Бу ҳақда мамлакат вице-президенти Делси Родригес маълум қилди.

"Президент Николас Мадуро империалистик электр уруши қурбони бўлган электр таъминотини тиклашга кўмаклашиш учун бугунги иш кунини бекор қилди", - деб ёзди Родригес Twitter саҳифасида.

Родригеснинг қайд этишича, бу чора фақат бир кун амал қилади. Унинг сўзларига кўра, Каракаснинг айрим ҳудудларида электр таъминоти тикланган.

Венесуэлада электр билан боғлиқ узилишлар мамлакатдаги энг йирик "Эл-Гури" ГЭСида содир бўлган авария билан боғлиқ. Мамлакат миллий электр энергия корпорацияси бу воқеани Венесуэлага қарши энергетик уруш деб атади.

Аввалроқ Nacional газетаси Венесуэланинг 23 штатидан 21тасида ҳамда пойтахт Каракасда электр таъминоти ўчганини хабар қилганди.

Тайёрлаган Дилшод Аскаров

#Венесуэла #электр таъминоти

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди