Норматив-ҳуқуқий ҳужжатлар лойиҳалари муҳокамаси порталида Вазирлар Маҳкамасининг “Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини бериш жараёнини янада такомиллаштириш чора-тадбирлари тўғрисида”ги қарори лойиҳаси жойлаштирилди.
Ҳужжат билан Норуда фойдали қазилмаларни ўз ичига олган ер қаъри участкаларидан фойдаланиш ҳуқуқи учун лицензиялар беришда “E-IJRO AUKSION” электрон савдо майдончасида электрон аукционни ўтказиш регламенти тасдиқланади.
Вазирлар Маҳкамасининг 2018 йил 12 июлдаги 443-сон “Норуда фойдали қазилмаларни ўз ичига олган ер қаъри участкаларидан фойдаланиш ҳуқуқига лицензиялар бериш тартибини такомиллаштириш тўғрисида” қарорига ўзгартиришлар ва қўшимчалар киритилади.
Белгиланишича, ушбу қарорда кўрсатилган нормалар:
2019 йил 1 июлдан Ўзбекистон Республикаси Давлат бюджети маблағлари ҳисобидан аниқланган норуда фойдали қазилмалар конлари;
2020 йил 1 январдан барча норуда фойдали қазилмаларни ўз ичига олган ер қаъри участкалари бўйича кучга киради.
Норуда фойдали қазилмаларни ўз ичига олган ер қаъри участкаларидан фойдаланиш ҳуқуқи учун лицензиялар беришда “E-IJRO AUKSION” электрон савдо майдончасида электрон аукционни ўтказиш регламентига кўра, савдо майдончасида электрон онлайн-аукцион орқали фойдаланиш ҳуқуқи реализация қилинадиган норуда фойдали қазилмаларни ўз ичига олган ер қаъри участкалари рўйхати Давлат геология қўмитаси томонидан шакллантирилади ва ҳар йили 1 февралгача тасдиқланади.
Давлат геология қўмитаси томонидан шакллантирилган рўйхат норуда фойдали қазилмаларни ўз ичига олган ер қаъри участкалари жойлашган туман (шаҳар) ҳокимликлари билан биргаликда жойида ўрганилади ва натижасида электрон онлайн-аукцион қўйиш мумкинлиги тўғрисидаги хулоса тайёрланади.
Тасдиқланган рўйхатга кирмаган норуда фойдали қазилмаларни ўз ичига олган ер қаъри участкалари бўйича лицензия олиш учун буюртма келиб тушган ҳолларда Давлат геология қўмитаси томонидан тегишли туман (шаҳар) ҳокимликлари билан биргаликда ўрганиб чиқилади ва 10 кун муддатда тегишли қарор қабул қилинади.
Давлат геология қўмитаси томонидан норуда фойдали қазилмаларни ўз ичига олган ер қаъри участкалари рўйхати тасдиқлангандан сўнг:
5 кун мобайнида ҳар бир ер қаъри участкаси бўйича тегишли маълумотларни тайёрлайди;
