Европарламент Brexit кечиктирилиши мумкинлигини истисно этмади

Фото: REUTERS

Европарламент раиси Антонио Таяни маълум қилишича, Буюк Британиянинг Европа иттифоқидан чиқиб кетиш муддати бошқа вақтга кечиктирилиши мумкин. Бу ҳақда Deutsche Welle ёзмоқда.

Раиснинг сўзларига кўра, Brexit «бир неча ҳафтадан ортиқ муддатга», яъни, июль ойи бошларига кўчирилиши мумкин. Шу билан бирга, мамлакат ҳукумати «бу ҳолатга нима сабаб бўлганини барибир айтиши лозим».

Таянининг фикрича, Буюк Британия чиқиб кетишидан олдин «катта хатодан» қочиши ва Брюссель билан келишувга эришиши керак.

Эслатиб ўтамиз, аввалроқ Британия Brexit бўйича ЕИ билан музокараларда ўзгаришлар борлигини маълум қилганди.