Ҳиндистонда Покистонга қарашли учувчисиз учар қурилма уриб туширилди

Фото: ИЗВЕСТИЯ/Алексей Майшев

Ҳиндистон хавфсизлик кучлари Ражастон штатида мамлакат ҳаво сарҳадига кириб келган Покистонга қарашли учувчисиз учар қурилмани уриб туширди. Бу ҳақда ўз манбаларига таяниб Hindustan Times газетаси хабар берди.

Нашрнинг маълумот беришича, ҳодиса Ганганагар округида содир бўлган. Нашр суҳбатдошларидан бирининг айтишича, бу Покистон томонидан учинчи бор учувчисиз учар қурилма жўнатилишидир. Аввалроқ Ҳиндистон ОАВ 26 февраль ва 4 март кунлари ҳарбийлар Покистон дронларини уриб туширганини хабар қилганди.

Ҳиндистон ва Покистон ўртасидаги кескинлик 14 февралда Жамму ва Кашмирда ҳинд ҳарбийларига ҳужум қилинганидан сўнг кучайиб кетди. Ушбу ҳужум учун жавобгарликни “Жаиши Муҳаммад” гуруҳи ўз зиммасига олган.

#Ҳиндистон #Покистон #дрон

14 февраль куни Покистон ҳудудида ўрнашган «Жайш-э-Муҳаммад» террорчи гуруҳи Кашмирда Ҳиндистон армияси ҳарбийлари колоннаси ўтаётган йўлда теракт содир этиши натижасида 46 нафар ҳинд ҳарбийси ҳалок бўлди. Бу воқеа ортидан Покистон ва Ҳиндистон муносабатларида можаро яна авж олди.