Суперлигада дуранглар синдроми. Сурхондарёдаги ўйинда ҳам ғолиб аниқланмади

Ўзбекистон чемпионатининг 1-турида яна бир ўйин якунланди. Юқори дивизионга қайтган «Сурхон» ўз майдонида Бекободнинг «Металлург»и билан дуранг ўйнади – 1:1.

6-дақиқада Фарғонанинг «Нефтчи» клубидаги ўйинлари билан танилган, янги мавсумдан сурхондарёликлар жамоаси сафида ҳаракат қилаётган ҳужумчи Шерзод Ҳакимов ҳисобни очди. 89-дақиқада бекободликлар ҳисобни тенглаштиришди. Ислом Исоқжоновнинг жарима зарбасидан узатган тўпини дарвозабон қайтарди, қайтган тўпни эса Аббос Отахонов дарвозага йўллаб мувозанатни тиклади.

Шу тариқа, чемпионатнинг 4-ўйинида ҳам дуранг натижа қайд этилди. Бунгача «Қизилқум» - «Андижон» (1:1), «Динамо» - «Насаф» (1:1) ҳамда ОКМК - «Бухоро» (0:0) ўйинларида ҳам ғолиб аниқланмаганди.

Суперлига-2019
1-тур
«Сурхон» - «Металлург» 1:1
Голлар: Шерзод Ҳакимов (6) – Аббос Отахонов (89).
Сурхон: 1.Асилбек Омонов, 2.Абдуқаҳҳор Ҳожиакбаров, 5.Аюбхон Нўмонов, 6.Раҳматулло Бердимуродов, 8.Шерзод Каримов (Абдулазиз Юсупов), 9.Дильшод Жабборов, 10.Шавкат Саломов (Аброр Исмоилов), 20.Ҳусниддин Ғофуров, 21.Аъзам Алиев, 44.Дарко Станоевич, 91.Шерзод Ҳакимов (Азамат Алланиёзов).
Металлург: 1.Зафар Сафоев, 5.Аббос Отахонов, 6.Иброҳим Йўлдошов (Баҳром Абдураҳимов), 8.Сервер Жепаров (Муҳаммад Исаев), 10.Ислом Исоқжонов, 17.Музаффар Музаффаров, 18.Шавкат Муллажонов, 21.Комолиддин Тожиев, 28.Станислав Андреев, 30.Андрей Шипилов, 70.Сергей Тумасян (Зоҳид Абдуллаев).