Фото: РИА Новости
Британия парламенти депутатлари Brexit’нинг 29 мартдан кечроқ муддатга кўчирилиши учун овоз бердилар. Brexit санаси кўчирилишига 412 депутат овоз берган, 202 нафари қарши чиққан.
Энди сананинг кўчирилиши бўйича Европа Иттифоқининг қолган 27 аъзоси келишиб олиши лозим.
Ҳукуматнинг таклифи қуйидагидан иборат: агар 20 мартгача Британия парламенти Европа Иттифоқи билан келишувга овоз берса, унда гап Brexit’нинг 30 июнгача қолдирилиши ҳақида боради. Агар парламент келишувни қўллаб-қувватламаса, унда Brexit’нинг кейинроққа қолдирилиши талаб этилади. Бу эса Британиянинг май ойида ўтадиган Европа сайловларидаги иштирокига олиб келади.
