«Москва кўз ёшларга ишонмайди». Порошенко украиналикларга чақириқ билан чиқди

Фото: AP

Украина президенти Пётр Порошенко мамлакат аҳолисини Россия етакчиси Владимир Путин олдида тиз чўкиб турмасликка чақирди. У тегишли чақириқ бўлган видеони фейсбукдаги ўз саҳифасида жойлаштирган.

«Украиналикларга тиз чўкиб туриш, эмаклаш, йиғлаш ва Путиндан кечирим сўраш таклиф этилмоқда», - деди Порошенко.

Бироқ, Украина етакчисининг эслатишича, «Москва кўз ёшларга ишонмайди».

Шу билан бирга, президент Украина аҳолисига Путиндан «кечирим сўраш» айнан қандай таклиф этилаётганига аниқлик киритмади.

Бундан олдин, Порошенко Қримни Украинага қайтариш бўйича режани очиқлаганди.

Хусусан, Украина президенти Порошенко Қримни, қайта сайланган тақдирда, Киевнинг юрисдикцияси остига қайтаришни устувор вазифаси сифатида қўйишга ваъда берди.

Тайёрлаган: Отабек Матназаров

#Пётр Порошенко #Владимир Путин