Пабло Пикассо мўйқаламига мансуб "Дори Маар портрети" картинаси 1999 йилда саудиялик шайхнинг яхтасидан ўғирлаб кетилган, кенг миқёсдаги қидирувлар натижа бермаганди. 2015 йилга келибгина йўқолган санъат асарларини қидириш бўйича мутахассис Артур Брэнд картина Нидерландиядаги жиноий гуруҳлар қўлида эканлигини аниқлаганди.
Яқинда портретни сотиб олган голландиялик бизнесмен Брэнд билан алоқага чиққан ва картинани унга берган.
Картина ҳозирда 25 миллион еврога баҳоланган, деб хабар берди "Россия 24" телеканали. Экспертлар унинг ҳақиқийлигини тасдиқлашган.
