АҚШ Хитой ҳужумига жавобан Россияга зарба берилиши мумкинлигини истисно этмади

Хитой томонидан яратилаётган узоқ масофага учадиган қанотли ракета савдо кемасининг оддий юк контейнери кўринишидаги универсал модулдан учирилиши мумкин, деб ёзмоқда The Washington Free Beacon.

Нашрнинг таъкидлашича, Америка портидаги тураргоҳда жойлаштирилган бундай қуролга эга фуқаролик кемаси АҚШ стратегик объектлари хавфсизлигига жиддий таҳдид солади. The Washington Free Beacon тахминича, бундай қурол бутун дунё бўйлаб Хитой томонидан жойлаштирилувчи базаларда яширилиши, шунингдек, Америка рақибларига сотилиши мумкин.

«Контейнерларда ракеталарни жойлаштириш Хитой, Россия ва уларнинг ҳамкорларига Қўшма Штатлар ҳамда унинг иттифоқчиларига бевосита ёки билвосита ҳужум қилиш учун янги имкониятлар беради», - деди Халқаро баҳолаш ва стратегия маркази (АҚШ) эксперти Рик Фишер.

Экспертнинг фикрича, «Хитой ракетани учириш қурилмалари Сиэтл порти яқинида сақланиб, Китсап базасидаги [ҲДК Тинч океани флоти] электр магнитли қуролга қарши жанговар каллаклар учирилишини кутиши мумкин».

Бундай ракеталардан фойдаланиш, Фишерга кўра, Trident ядро ракеталарини олиб ўтувчи атом сувости кемалари электроникасини ишдан чиқариб, «кимга жавоб зарбаси» беришни билмайдиган Вашингтонда хавотир юзага келтира олади.

Нашр ёзишича, ҳозирда парвоз синовларидан ўтказилаётган истиқболли қурол Хитойнинг ерда жойлаштирилувчи YJ-18C кемаларга қарши ракетаси такомиллаштирилган версияси саналади. Таъкидланишича, Хитой ишланмасига Россиянинг Club-K ракета қуроли контейнер комплекси асос қилиб олинган.

Бундан олдин, Хитой АҚШнинг Тайвань бўйича қароридан ғазабда экани хабар берилганди.