Пентагон ракеталар бўйича янги тизим ишлаб чиқилаётганини эълон қилди

Пентагон раҳбарининг сиёсий масалалар бўйича ўринбосари Жон Руд АҚШ конгресси вакиллар палатаси қўмитасидаги эшитувларда Қўшма Штатларда уч йил давомида гипертовушли ракеталар учирилганидан огоҳлантирувчи тизим ишлаб чиқилиши ҳақида маълум қилди. Унинг нутқи қуролли кучлар ишлари бўйича қўмита сайтида жойлаштирилди.

Унинг сўзларига кўра, гипертовушли ракеталар учирилишини аниқлаш тизими Ер яқинидаги орбитада жойлашган «арзон» сенсорлардан иборат бўлади. Унинг умид билдиришича, уларни уч йилдан кейин жойлаштириш бошланади.

Шунингдек, Руднинг қайд этишича, ракеталардан мудофаа АҚШ мудофаа стратегиясининг устувор йўналишларидан бири ҳисобланади. Унинг билдиришича, америкалик ҳарбийлар сўнгги вақтда Аляскада қўшимча 20та ракеталардан мудофаа қурилмаларини ўрнатишди.

Бундан олдин, АҚШ Хитой ҳужумига жавобан Россияга зарба берилиши мумкинлигини истисно этмаганди.