2019 йилнинг 11 апрелида Нью-Йорк шаҳрида Acer компанияси маҳсулотларига оид янгиликларни тақдим этди ва бозорга дизайнерлар, аниматорлар, архитекторлар, дастур ишлаб чиқувчилари ва бошқа контент яратувчилари учун мўлжалланган янги ConceptD брендини чиқариши ҳақида эълон қилди.Мазкур компания тақдим этган айрим моделларини Ўзбекистонга 2019 йилнинг сентябрь ойида олиб кириш режалаштирилмоқда.
Тадқиқотлар натижаларига кўра, ўйинлар учун мўлжалланган Acer компьютерларининг 30 фоизида ўйинлар ҳеч қачон ўйналмаган бўлиб, ушбу компьютерларнинг қувватидан профессионал масалаларни ҳал этиш учун фойдаланилган.Энди эса ижодий касб вакиллари улар эҳтиёжига мувофиқ келтирилган ўзининг шахсий маҳсулотлар қаторига эга бўлдилар.
Acer ConceptD қувватли компьютерлари
Юқори унумдорликка эга Acer ConceptD шахсий компьютерлари бир вақтнинг ўзида кўп вазифалар билан ишлаш режимида катта ҳажмда ресурслар талаб этадиган ишларни бажариш учун мўлжалланган.ConceptD 900 топ модели мураккаб визуал эффектлар рендеринги, 3D-моделлаш ва симуляциялар, сунъий интеллект ва чуқур ўрганиш технологиялари билан мунтазам равишда ишлаб борувчиларга маъқул келади.
Шунингдек, Acer ишини профессионал даражагача кўтаришни хоҳловчилар учун нархи унча қиммат бўлмаган, 4та дисплей билан ишлаш имкониятига эга ConceptD 500 компьютерини ишлаб чиқди.
Acer ConceptD шовқинсиз ноутбуклари
ConceptD қувватли ноутбуклар билан офисдан ташқарида, севимли жойда ишлаш мумкин.Шовқинни босувчи тизим ҳатто шовқин даражаси 40 дБ гача қатъий чекланган кутубхонада ишлаш имконини беради.Шунингдек, дизайнерлар ранг ўтказишнинг юқори аниқлиги ва суратнинг аъло сифатини ҳам қайд этмоқда.
ConceptD9 сериясидаги олий ноутбук 3D-моделлаш учун ишлаб чиқилган.4K UHD аниқликка эга 17,3 дюймли дисплей айланади, эгилади ва сурилади.Wacom® EMR стилуси ноутбукка магнит орқали маҳкамланади ва 4096та босим сезувчанлиги даражасини намойиш этади.
ConceptD 7 2D ва 3D графикасини яратиш ва уни таҳрир қилиш учун аъло даражада тўғри келади.Ноутбукни ўзи билан олиб юриш қулай: қалинлиги 17,9 мм., 4K UHD аниқликка эга 15,6 дюймли дисплейга эга ноутбукнинг вазни атиги 2,1 кг. ташкил этади.
