Ҳиндистонда циклон оқибатида 30га яқин киши ҳалок бўлди

Жума куни Ҳиндистоннинг Ориша штатида юз берган циклон оқибатида ҳалок бўлганлар сони 29 кишига етди, деб хабар берди NDTV телеканали.

Штат бош котиби Адитья Прасад Падхининг сўзларига кўра, улардан 21 нафари Пури шаҳрида ҳалок бўлган. Ҳукумат табиий офатдан зарар кўрган 10 мингта қишлоқ ва 52 шаҳар районида оммавий тиклаш ишларини ташкил этган.

Циклон яқинлашиши олдида штатда миллиондан ортиқ киши эвакуация қилинди ва вақтинчалик лагерларга жойлаштирилди. Бутун штат бўйича 220 дан ортиқ поезд ҳаракати тўхтатилди, қатор йирик шаҳарлардаги аэропортлар ишламаяпти. Мактаб, коллеж ва давлат ташкилотларида иш тўхтатилган.

Экспертларнинг баҳо беришларича, бу кейинги Ҳиндистонда 20 йилда юз берган энг талофатли циклондир.