Болалар учун унутилмас таътил «Zomin Sunrise»да: боулинг, автомат ўйингоҳ ҳамда 10 фоиз чегирма!

Ёзги таътил мавсуми яқинлашмоқда. Фарзандларингиз таътилни мароқли ва шу билан бирга унумли ўтказишини истайсизми? У ҳолда шошилинг! «Zomin Sunrise»дан ажойиб акция: яқинлашиб келаётган Рамазон Ҳайити ҳамда Халқаро болалар куни муносабати билан оромгоҳнинг биринчи мавсумига 10 фоиз чегирмани эълон қилади.

«Zomin Sunrise» оромгоҳи болалар учун қуйидаги хизматларни таклиф этади:

Шинам ва экологик тоза муҳитда яшаш;
Фойдали ва тўғри танланган маҳсулотлардан 6 маҳал меню;
Маданий ва спорт-соғломлаштириш тадбирлари;
Малакали мутахассисларнинг профессионал ёндошувлари;
Таълим ва кўнгилочар дастурлар;
Транспорт хизмати ва бошқалар (Тошкент-Зомин-Тошкент).

Тоғ қўйнида бетакрор маскан

Болаларнинг саломатлиги учун Зомин – ажойиб тоғ манзараларидан иборат, экологик тоза ҳудуд. Бу ерда ноёб ўсимликлар ва ҳайвонот олами, бетакрор табиат гўзаллигидан баҳраманд бўлиш мумкин.

«Zomin Sunrise» оромгоҳи Самарқанд ва Тошкент ўртасида, Зомин қўриқхонаси ҳудудида жойлашган. Бу маскан икки минг йиллик тарихга эга бўлиб, Зомин тоғлари ЮНЕСКОнинг Бутунжаҳон мероси рўйхатига киритилган номзодлардан биридир. Уни бежиз «Иккинчи Швейцария» деб аташмайди.

Оромгоҳда болалар 24 соат давомида кузатув остида бўлишади. 12 кун давомида ёзги таътилни мароқли ва унутилмас ўтиши таъминланади.

Оромгоҳ ҳудудида болалар спорт билан шуғулланиши учун барча шарт-шароитлар яратилган: футбол, баскетбол, воллейбол, стол тенниси, катта теннис, шахмат ва шашка ҳамда бошқалар.

Шунингдек, қуйидаги тўгараклар ҳам фаолият олиб боради:

1. Пазандачилик;

2. Рассомчилик;

3. Моҳир қўллар;

4. Информатика;

5. Рақс;

6. Театр ва бошқалар.

Оромгоҳда ҳар куни мунтазам равишда «кислород кўпиги» («кислородная пенка») берилади.

Яна бир ажойиб янгилик!

Ўзбекистондаги оромгоҳлар орасида айнан «Zomin Sunrise»да боулинг майдони ташкил этилган. Шунингдек, автоматлаштирилган ўйингоҳлар ҳам мавжуд.

Бассейн

Британиялик олимлар томонидан фаол дам олиш нафақат болаларнинг ўзини бахтли ҳис қилишига, балки интеллектуал ривожланишига ҳам таъсир қилишини исботлашган, айнан шу омилларни ҳисобга олган ҳолда оромгоҳда фаол дам олиш учун барча шароитлар яратилган.

Болалар салқин ҳавода совуқ емасликлари учун бассейнга махсус иситгичлар ҳамда фильтрлаш қурилмалари ўрнатилган.

Мавсумлар жадвали:

1-мавсум: 07.06.2019 дан 18.06.2019 гача;

2-мавсум: 19.06.2019 дан 30.06.2019 гача;

3-мавсум: 01.07.2019 дан 12.07.2019 гача;

4-мавсум: 13.07.2019 дан 24.07.2019 гача;

5-мавсум: 25.07.2019 дан 05.08.2019 гача;

6-мавсум: 06.08.2019 дан 18.08.2019 гача.

Ота-оналар куни

Ҳар бир мавсумда ота-оналар кунлари ўтказилади. Бу кунда барча ота-оналар фарзандларини кўриш учун оромгоҳга ташриф буюришлари мумкин. Меҳмонлар учун оромгоҳ маъмурияти томонидан фуршет, концерт дастури ташкил этилади. Дастур давомида қизиқарли шоу, томоша ва эстрада юлдузларининг чиқишлари уюштирилади.